பிரித்தானியாவின் மிடில்ஸ்பரோவில் தியாக தீபம் திலீபனின் 39ஆம் ஆண்டு நினைவேந்தல் நிகழ்வு கடந்த 4ஆம் திகதி பிற்பகல் 2 மணி முதல் மாலை 6 மணி வரை உணர்வுபூர்வமாக நடைபெற்றது.
இந்நிகழ்வில் கலந்துகொள்வதற்காக லண்டனிலிருந்தும் நாடுகடந்த தமிழீழ அரசாங்கத்தின் (TGTE) உறுப்பினர்களும் வருகை தந்து பங்கேற்றனர்.
நினைவேந்தல் நிகழ்வில் தியாக தீபம் திலீபனின் நினைவாக மலரஞ்சலி செலுத்தப்பட்டதுடன், மாலை அணிவித்தலும் நினைவுரைகளும் இடம்பெற்றன. நிகழ்வில் கலந்துகொண்டவர்கள் அவரது வாழ்க்கையையும் தியாகத்தையும் நினைவுகூர்ந்தனர்.
1987ஆம் ஆண்டு செப்டெம்பர் மாதம் ஐந்து அம்சக் கோரிக்கைகளை முன்வைத்து உண்ணாவிரதப் போராட்டத்தை முன்னெடுத்த திலீபன் அண்ணா, செப்டெம்பர் 26ஆம் திகதி உயிரிழந்தார். அவரது நினைவு நாளை முன்னிட்டு ஆண்டுதோறும் பல்வேறு இடங்களில் நினைவேந்தல் நிகழ்வுகள் முன்னெடுக்கப்பட்டு வருகின்றன.
பிரித்தானியாவில் வாழும் தமிழ் மக்களிடையே தியாக தீபம் திலீபனின் நினைவையும் தமிழ் மக்களின் வரலாற்றையும் அடுத்த தலைமுறையினரிடம் கொண்டு சேர்க்கும் நோக்கில் இந்நினைவேந்தல் நிகழ்வு அமைந்தது.
