தையிட்டியில் அமைக்கப்பட்ட சட்டவிரோத விகாரைக்கு வலி.வடக்கு பிரதேச சபை தவிசாளர் மற்றும் உறுப்பினர்கள் திடீர் விஜயம் மேற்கொண்டபோது பொலிஸார் தடைவிதித்துள்ளனர்.
தையிட்டி விகாரை அமைந்துள்ள பகுதியில் மீண்டும் புதிய சட்டவிரோதக் கட்டுமானப் பணிகள் முன்னெடுக்கப்பட்டு வருவதாகக் கூறப்படும் நிலையில், அதனை நேரில் பார்வையிடுவதற்காக வலிகாமம் வடக்கு பிரதேச சபையின் தவிசாளர் மற்றும் உறுப்பினர்கள் நேற்றையதினம்(15.10.2026) தையிட்டி பகுதிக்கு திடீர் விஜயம் மேற்கொண்டனர்.
இதன்போது, விகாரை வளாகத்திற்குள் சென்று பார்வையிட முயன்ற தவிசாளர் உள்ளிட்ட உறுப்பினர்களுக்குக் பொலிஸார் அனுமதி வழங்க மறுத்ததாகத் தெரிவிக்கப்பட்டுள்ளது.
எனினும், விகாரை வளாகத்திற்கு வெளியிலிருந்து அவதானித்தபோது, அப்பகுதியில் புதிய கட்டுமானப் பணிகள் முன்னெடுக்கப்பட்டு வருவது தெரியவந்துள்ளது.
