காற்றழுத்தத் தாழ்வு மண்டலம்: இலங்கைக்கு மீண்டும் மழை அபாயம்!

நாட்டின் கிழக்குப் பகுதியில் உருவாகும் என எதிர்பார்க்கப்படும் குறைந்த காற்றழுத்தத் தாழ்வு மண்டலம், எதிர்வரும் நாட்களில் ஆழ்ந்த காற்றழுத்தத் தாழ்வு மண்டலமாக வலுப்பெற்று, கிழக்குக் கரையை அண்மித்தவாறு வடக்கு நோக்கி நகரக்கூடும் என வளிமண்டலவியல் திணைக்களம் தெரிவித்துள்ளது.

இதேவேளை, மத்திய மலைநாட்டில் தொடர்ச்சியாகப் பெய்துவரும் கனமழை காரணமாக, விக்டோரியா நீர்த்தேக்கத்தின் ஆறு வான் கதவுகள் நேற்று இரவு முதல் தானியங்கி முறையில் திறக்கப்பட்டுள்ளன.

மேலும், கொத்மலை நீர்த்தேக்கத்தின் வான் கதவுகள் ஊடாக விநாடிக்கு 150 கனமீற்றர் நீர் கொத்மலை ஓயாவுக்கு திறந்துவிடப்பட்டுள்ளதாக மகாவலி அதிகார சபை தெரிவித்துள்ளது.

இதனால், கொத்மலை ஓயா மற்றும் கொத்மலை அணைக்கட்டுக்குக் கீழ்ப்பகுதியில் உள்ள மகாவலி ஆற்றை அண்மித்த பகுதிகளில் வசிக்கும் மக்கள் அவதானத்துடன் இருக்குமாறு அறிவுறுத்தப்பட்டுள்ளனர்.

மறுபுறம், சீரற்ற காலநிலை காரணமாக மண்சரிவு மற்றும் பாறைகள் சரிந்து விழும் அபாயத்தால் மூடப்பட்டிருந்த கொழும்பு – கண்டி பிரதான வீதி மீண்டும் போக்குவரத்துக்காகத் திறக்கப்பட்டுள்ளது.

எனினும், அபாய நிலை தொடர்வதால் குறித்த வீதிப் பகுதியில் வாகனப் போக்குவரத்துக்கு மேலதிக கட்டுப்பாடுகள் விதிக்கப்பட்டுள்ளதாக கண்டி மாவட்டச் செயலாளர் இந்திக உடவத்த தெரிவித்துள்ளார்.

இதற்கிடையில், மழைவீழ்ச்சியைத் துல்லியமாகக் கணிப்பது கடினம் என்பதால், உத்தியோகபூர்வ அறிவிப்புகளுக்காகக் காத்திருக்காமல் மக்கள் முன்கூட்டியே விழிப்புடன் இருக்க வேண்டும் என தேசிய கட்டட ஆராய்ச்சி நிறுவனத்தின் சிரேஷ்ட புவியியலாளர் மருத்துவர் வசந்த சேனாதீர தெரிவித்துள்ளார்.

Related Posts :

Special News :

Entertainment :

Special News

LaugfsGas
லாஃப்ஸ் எரிவாயு சிலிண்டருடன் நுகர்வோர் அதிகார சபைக்குச் சென்ற சிவில் அமைப்பினர் – வளாகத்தில் பதற்றம்!
MKSivajilingam
 எம்.கே.சிவாஜிலிங்கத்தின் மறைவு ஈழத் தமிழர் வரலாற்றில் ஈடுசெய்ய முடியாத பேரிழப்பு –  சிறீதரன் எம்.பி இரங்கல்!
SriLankaJobs
வடக்கு, கிழக்கு மாகாணங்களிலும் விரைவில் வெளிநாட்டு வேலைவாய்ப்பு ஊக்குவிப்பு நிகழ்ச்சிகள்!
WeatherAlert
குறைந்த காற்றழுத்தப் பிரதேசம் புயலாக மாறக்கூடும் என எச்சரிக்கை!
FoodPriceHike
எரிவாயு விலையேற்றத்தைத் தொடர்ந்து உணவுப் பொருட்களின் விலைகள் உயர்வு!
LaugfsGas
சமையல் எரிவாயு விலையேற்றத்தை ஒழுங்குப் பிரச்சினையாக எழுப்ப சஜித் முயற்சி: சபையில் அமளி!