திருகோணமலை புத்தர் சிலை வழக்கு: கஸ்ஸப தேரருக்கு விளக்கமறியல்

பலாங்கொட கஸ்ஸப தேரரை நாளை (17) வரை விளக்கமறியலில் வைக்குமாறு திருகோணமலை நீதவான் நீதிமன்றம் உத்தரவிடப்பட்டுள்ளது.

திருகோணமலை, ஸ்ரீ சம்புத்த ஜெயந்தி போதிராஜ விகாரை வளாகத்தில் குடில் ஒன்று அமைக்கப்பட்டு புத்தர் சிலை வைக்கப்பட்ட சம்பவம் தொடர்பான நீதிமன்ற விசாரணைகளில் ஆஜராகத் தவறியதாக அவர் மீது குற்றச்சாட்டு முன்வைக்கப்பட்டுள்ளது.

இந்தநிலையில், இது தொடர்பான வழக்கு விசாரணைக்காக, திருகோணமலை நீதவான் நீதிமன்றத்தில் கடந்த 11ஆம் திகதி நீதிமன்றத்தில் ஆஜராகத் தவறியதன் காரணமாக அவருக்கு எதிராக பிடியாணை பிறப்பிக்கப்பட்டது.

அதற்கமைய, பலங்கொட கஸ்ஸப தேரர், இன்று (16) திருகோணமலை நீதிமன்றத்தில் ஆஜர்படுத்தப்பட்டார்.

திருகோணமலை பிரதான நீதவான் ஏ.எஸ்.எஸ். சம்சுதீன் முன்னிலையில் கஸ்ஸப தேரர் ஆஜர்படுத்தப்பட்டபோது, அவருக்காக எந்தவொரு சட்டத்தரணியும் ஆஜராகவில்லை. இதனையடுத்து, தேரர் தாமாகவே நீதிமன்றத்தில் தனது தரப்பு வாதங்களை முன்வைத்தார்.

நீதிமன்றத்தில் கஸ்ஸப தேரர் தெரிவித்த கருத்து: “பௌத்த சாசனத்தைப் பாதுகாப்பது அரசாங்கத்தினதும் பௌத்த பிக்குகளினதும் முக்கிய கடமையாகும்.

நான் அதற்காக சாகும் வரை உண்ணாவிரதம் ஒன்றை மேற்கொண்டு வருவதால், குறித்த நேரத்தில் நீதிமன்றத்தில் ஆஜராகத் தவறியமை பிரபஞ்ச விதிகளுக்கு அமைய முற்றிலும் நியாயமானது” என அவர் தெரிவித்தார்.

இருப்பினும், நீதிமன்ற உத்தரவை மதிக்காமல் தவிர்த்துச் செயற்பட்டமை தொடர்பில் கவனம் செலுத்திய நீதவான், கஸ்ஸப தேரரை நாளை வரை விளக்கமறியலில் வைத்து, மீண்டும் நீதிமன்றத்தில் முன்னிலைப்படுத்துமாறு உத்தரவிட்டார்.

Related Posts :

Special News :

Entertainment :

Special News

LaugfsGas
சமையல் எரிவாயு விலையேற்றத்தை ஒழுங்குப் பிரச்சினையாக எழுப்ப சஜித் முயற்சி: சபையில் அமளி!
NanuOya
இரண்டு பேருந்துகள் நேருக்கு நேர் மோதல்: 28 பேர் காயம்!
SivagnanamSritharan
வெளிநாட்டுப் பயங்கரவாதிப் போராளிகளைத் தடுத்தல் சட்டமூலத்திற்கு பாராளுமன்றக் குழு அங்கீகாரம் – சிறிதரன் எம்.பி எதிர்ப்பு!
NamalRajapaksa
கிரிஷ் விவகாரத்தில் நாமலுக்கு வழங்கப்பட்ட பிணை இடைநிறுத்தப்படுமா?
JaffnaNews
உடுவிலில் பிரதேச சபை உறுப்பினர் மீது வன்முறைக் கும்பல் தாக்குதல்!
BasilRajapaksa
அரசாங்கத்திற்கு எதிரான போராட்டங்களின் பின்னணியில் பசில் ராஜபக்சவுக்கு நெருக்கமானவர்கள்?