வெளிநாடொன்றில் மண் சரிவில் சிக்கிய இலங்கைத் தொழிலாளர்கள்: ஒருவர் மீட்பு, ஒருவர் உயிரிழப்பு

ஐரோப்பிய நாடான ருமேனியா Găneasa பகுதியில் 2 இலங்கைத் தொழிலாளர்கள் மண் சரிவில் சிக்கிய நிலையில் ஒருவர் சடலமாக மீட்கப்பட்டுள்ளார்.

மீட்பு குழுவினர் 11 மணி நேரத்திற்கும் மேலான தீவிரத் தேடுதல் நடவடிக்கை மேற்கொண்ட நிலையில் மண்ணுக்குள் புதையுண்டிருந்த இலங்கைத் தொழிலாளி உயிரிழந்த நிலையில் சடலமாக மீட்கப்பட்டுள்ளார்.

நேற்று முன்தினம் பிற்பகல் கழிவுநீர் வடிகால் அமைக்கும் பணியில் ஈடுபட்டிருந்த 46 மற்றும் 48 வயதுடைய இரண்டு இலங்கைத் தொழிலாளர்கள் மீது, ஆறு மீட்டர் ஆழமுள்ள குழியின் மண் திட்டு சரிந்து விழுந்துள்ளது.

மண் சரிவு ஏற்பட்டதும் இருவரும் மண்ணுக்குள் புதையுண்ட நிலையில், பிற்பகல் 4.30 மணியளவில் அவசர உதவி எண்ணுக்கு தகவல் வழங்கப்பட்டது. மீட்புப் பணியின் போது மண் மீண்டும் சரிந்து மீட்புப் படையினருக்கும் ஆபத்து ஏற்படும் அபாயம் காணப்பட்டுள்ளது.

எனினும், குழியின் பக்கவாட்டுச் சுவர்களைப் பலப்படுத்திய பின்னரே தீயணைப்புப் படையினர் மிகக் கவனமாக மீட்புப் பணிகளை முன்னெடுத்தனர்.

சுமார் 6 மணி நேரப் போராட்டத்திற்கு பின்னர், இரவு 10.30 மணியளவில் இடுப்பளவு மண்ணில் புதையுண்டிருந்த முதலாவது தொழிலாளி எவ்வித காயங்களுமின்றி சுயநினைவுடன் மீட்கப்பட்டார்.

அவர் அதிர்ச்சியிலிருந்து மீள்வதற்காக மருத்துவமனையில் அனுமதிக்கப்பட்டார். மேலும் ஐந்து மணி நேரத் தேடுதலுக்கு பின்னர் அதிகாலை 3:30 மணியளவில் இரண்டாவது தொழிலாளியை மீட்டபோது, அவர் ஏற்கனவே உயிரிழந்திருந்தார்.

கொன்கிரீட் பலகை ஒன்று அவர் மீது விழுந்து நசுக்கியதோடு, அதன் மேல் மண்ணும் சரிந்து மூடியதாலேயே அவரால் உயிர் பிழைக்க முடியாமல் போயுள்ளது.

Related Posts :

Special News :

Entertainment :

Special News

LaugfsGas
சமையல் எரிவாயு விலையேற்றத்தை ஒழுங்குப் பிரச்சினையாக எழுப்ப சஜித் முயற்சி: சபையில் அமளி!
NanuOya
இரண்டு பேருந்துகள் நேருக்கு நேர் மோதல்: 28 பேர் காயம்!
SivagnanamSritharan
வெளிநாட்டுப் பயங்கரவாதிப் போராளிகளைத் தடுத்தல் சட்டமூலத்திற்கு பாராளுமன்றக் குழு அங்கீகாரம் – சிறிதரன் எம்.பி எதிர்ப்பு!
NamalRajapaksa
கிரிஷ் விவகாரத்தில் நாமலுக்கு வழங்கப்பட்ட பிணை இடைநிறுத்தப்படுமா?
JaffnaNews
உடுவிலில் பிரதேச சபை உறுப்பினர் மீது வன்முறைக் கும்பல் தாக்குதல்!
BasilRajapaksa
அரசாங்கத்திற்கு எதிரான போராட்டங்களின் பின்னணியில் பசில் ராஜபக்சவுக்கு நெருக்கமானவர்கள்?