🔴 VIDEO யாழில் ஜனாதிபதியினால் ஆரம்பித்து வைக்கப்பட்ட சர்வதேச கிரிக்கெட் மைதானத்திற்கான கட்டுமானப் பணிகள்!

யாழ்ப்பாணம் மண்டைதீவில் அமைக்கப்படவுள்ள சர்வதேச கிரிக்கெட் மைதானத்திற்கான அடிக்கல் நாட்டும் விழா இன்று யாழ்ப்பாணம்மண்டைதீவில் இடம்பெற்றது.

இவ்விழாவில் இலங்கை ஜனாதிபதி அநுர குமார திசாநாயக்க, இலங்கை கிரிக்கெட் சபைத் தலைவர் ஷாமி சில்வா, விளையாட்டுத்துறை அமைச்சர் சுனில் குமார கமகே, கடற்தொழில் அமைச்சர் இராமலிங்கம் சந்திரசேகர், பாராளுமன்ற உறுப்பினர்களான க.இளங்குமரன், ஜெ.ரஜீவன், ச.ஶ்ரீபவானந்தராஜா வடக்கு மாகாண ஆளுநர் நா.வேதநாயகன், யாழ் மாவட்ட அரசாங்க அதிபர் ம.பிரதீபன் உள்ளிட்டவர்கள் கலந்துகொண்டனர்.

வடமாகாணத்தில் கிரிக்கெட்டின் மேம்பாட்டிற்கும், இளம் வீரர்களுக்கான புதிய வாய்ப்புகளை உருவாக்குவதற்கும் இந்த மைதானம் முக்கிய பங்காற்றும் என்று எதிர்பார்க்கப்படுகிறது. மேலும், இம்மைதானம் தேசிய மற்றும் சர்வதேச போட்டிகளை யாழ்ப்பாணத்தில் நடத்துவதற்கான வழிவகையை ஏற்படுத்தி, இலங்கையின் விளையாட்டுத் துறையில் புதிய கட்டத்தைத் தொடங்கவுள்ளது.

இலங்கை கிரிக்கெட் சபை, இலங்கை அரசாங்கத்துடன் இணைந்து, தீவு முழுவதும் கிரிக்கெட்டின் வளர்ச்சிக்காகவும், அனைத்துப் பகுதிகளிலும் உள்ள திறமையான வீரர்களுக்குச் சர்வதேசத் தரத்திலான வசதிகளை அளிப்பதற்கும் தொடர்ந்து அர்ப்பணிப்புடன் செயற்பட்டு வருகின்றது.

எதிர்வரும் 3 வருடங்களில் இங்கு சர்வதேச போட்டிகள் இடம்பெறும் என ஜனாதிபதியால் அறிவிக்கப்பட்டமை குறிப்பிடடதக்கது

Related Posts :

Special News :

Entertainment :

Special News

FakeSMS
போலி GovPay குறுஞ்செய்திகள் மூலம் மோசடி: பொதுமக்களுக்கு டிஜிட்டல் பொருளாதார அமைச்சு அவசர எச்சரிக்கை!
Anuradhapura
அநுராதபுரத்தில் தொடரும் பதற்றம்: தேரர்களின் சத்தியாக்கிரகம் 3வது நாளாகத் தீவிரம்
Mullaitivu
முல்லைத்தீவில் அதிர்ச்சி: சவூதியிலிருந்து திரும்பிய பெண்ணுக்கு நேர்ந்த கொடூரம்!
GotabayaRajapaksa
மத்திய குற்றப் புலனாய்வுப் பணியகத்தில் ஆஜரானார் முன்னாள் ஜனாதிபதி கோட்டாபய ராஜபக்ஷ!
ChemmaniMassGrave
சர்வதேச நீதி கோரி எதிர்வரும் 17ஆம் திகதி செம்மணியில் போராட்டம்!
SchoolHoliday
பாடசாலைகளுக்கு விசேட தீபாவளி விடுமுறை: வெளியான அறிவிப்பு