இரண்டு முறை WWE ஹால் ஆஃப் ஃபேமரும் முன்னாள் உலக சாம்பியனுமான ஹல்க் ஹோகன் (Hulk Hogan) என்று அழைக்கப்படும் டெர்ரி ஜீன் போல்லியா வியாழக்கிழமை (24)காலமானதாக அவரது குடும்பத்தினர் தெரிவித்தனர்.
இறக்கும் போது அவருக்கு வயது 71 ஆகும்.
ஹல்க் ஹோகனின் இறப்பு குறித்த பதிவில் அவரது குடும்பத்தினர்,
ஒரு ஜாம்பவானை இழந்துவிட்டோம் என்பதை கனத்த இதயத்துடனும் ஆழ்ந்த சோகத்துடனும் தெரிவித்துக் கொள்கிறோம்.
நாற்பது ஆண்டுகளுக்கும் மேலாக அவர் தொட்ட மில்லியன் கணக்கான ரசிகர்களுக்கு அவர் விட்டுச் சென்ற அற்புதமான நினைவுகளில் நாம் அனைவரும் ஆறுதல் பெறுவோம் – என்று கூறியுள்ளனர்.
வேர்ல்ட் ரெஸ்லிங் என்டர்டெயின்மென்ட்டில் (WWE) ஹல்க் ஹோகனின் மரணம் அறிவிக்கப்பட்டதை தொடர்ந்து குடும்ப உறுப்பினர்களின் அறிக்கை வெளியிடப்பட்டது.
ஹல்க் ஹோகனின் இறப்பு குறித்த WWE இன் பதிவில்,
WWE ஹால் ஆஃப் ஃபேமர் ஹல்க் ஹோகன் காலமானதை அறிந்து நிறுவனம் வருத்தமடைந்துள்ளது.
பாப் கலாச்சாரத்தின் மிகவும் அடையாளம் காணக்கூடிய நபர்களில் ஒருவரான ஹோகன், 1980 ஆம் ஆண்டுகளில் WWE உலகளாவிய அங்கீகாரத்தைப் பெற உதவினார்.
ஹோகனின் குடும்பத்தினர், நண்பர்கள் மற்றும் ரசிகர்களுக்கு WWE தனது இரங்கலைத் தெரிவித்துக் கொள்கிறது – என்று கூறியது.
வியாழக்கிழமை (24) காலை 10.00 மணிக்கு முன்பு மாரடைப்புக் காரணமாக ஹல்க் ஹோகன் வைத்தியசாலைக்கு அழைத்துச் செல்லப்பட்டார்.
அங்கு அவர் இறந்துவிட்டதாக அறிவிக்கப்பட்டது என்று புளோரிடாவின் கிளியர்வாட்டர் காவல் துறையினர் தெரிவித்துள்ளனர்.
வியாழக்கிழமை காலை 9:51 மணிக்கு மாரடைப்பு ஏற்பட்டதாக கிளியர்வாட்டர் தீயணைப்பு மற்றும் மீட்புப் படையினர் அவரது வீட்டிற்கு தகவல் அளித்ததாக நகரத்திலிருந்து வந்த ஊடக அறிக்கை தெரிவிக்கிறது.
ஹல்க் ஹோகன், தனது தொழில்முறை மல்யுத்த வாழ்க்கையை 1977 இல் தொடங்கினார் மற்றும் வேர்ல்ட் ரெஸ்லிங் பெடரேஷன் (WWF) (இப்போது WWE என அழைக்கப்படுகிறது), உலக சாம்பியன்ஷிப் மல்யுத்தம் மற்றும் இம்பாக்ட் மல்யுத்தத்தில் முக்கியமாக இடம்பெற்றார்.
ஆனால், 1980 களில் WWE உடன் நடத்தப்பட்டதே அவரையும் நிறுவனத்தையும் கலாச்சார யுகத்திற்குத் தள்ளியது.
ஹல்க் ஹோகனின் இயற்பெயர் டெர்ரி பொலியா, 1980கள் மற்றும் 1990களில் தொழில்முறை மல்யுத்த நட்சத்திர அந்தஸ்தைப் பெற்றார்.
மேலும் WWE இன் ஐந்து தசாப்த வரலாற்றில் மிகப்பெரிய நட்சத்திரங்களில் ஒருவராக இருந்தார்.
1985 ஆம் ஆண்டில் முதல் ரெஸில்மேனியாவின் தலைவராக அவர் இருந்தார்.
தொங்கு மீசை, ஆழமான பழுப்பு நிறம், மஞ்சள் நிற முடி மற்றும் சட்டையை கிழிக்கும் திறன் போன்ற தனித்துவமான அடையாளங்களினால் அவர் ரசிகர்கள் மனதில் நீங்கா இடத்தையும் பிடித்துள்ளார்.
