2023 ஜனவரி 1 முதல் டிசம்பர் 31 வரை மத்திய திரைப்பட சான்றிதழ் வாரியத்திடம் (CBFC) இருந்து சான்றிதழ் பெற்ற திரைப்படங்கள் 71வது தேசிய திரைப்பட விருதுகளுக்குத் தகுதி பெற்றன. இந்திய சினிமாவின் மிக உயரிய விருதாகக் கருதப்படும் தேசிய திரைப்பட விருதுகளின் 71வது சீசனுக்கான வெற்றியாளர்கள் பட்டியல் இன்று (ஆகஸ்ட் 1, 2025) நியூடெல்லி தேசிய ஊடக மையத்தில் அறிவிக்கப்பட்டது.

2023 ஆம் ஆண்டு இந்திய திரைப்படத்துறைக்கு மிகச்சிறந்த ஆண்டாக அமைந்தது. பதான், அனிமல், டுவல்த் ஃபெயில், ஓஎம்.ஜி 2 உள்ளிட்ட இந்தி படங்களும், சீதாராமம், மந்த் ஆஃப் மது, பாலஹம், தசரா போன்ற தெலுங்கு படங்களும், ஜெயிலர், லியோ ஆகிய தமிழ் படங்களும், நன்பகல் நேரத்து மயக்கம், 2018 எவரிஒன் இஸ் ஹீரோ, இரட்டா, காதல் தி கோர் ஆகிய மலையாள படங்களும் பெரும் வரவேற்பைப் பெற்றன.

70வது தேசிய திரைப்பட விருதுகளில், தென்னிந்தியாவிலிருந்து காந்தாரா படத்தில் நடித்த ரிஷப் ஷெட்டி சிறந்த நடிகருக்கான விருதையும், திருச்சிற்றம்பலம் படத்தில் நடித்ததற்காக நித்யா மேனன் சிறந்த நடிகைக்கான விருதையும் பெற்றது குறிப்பிடத்தக்கது.

இந்த ஆண்டு தேசிய விருதுகளில் பல முக்கிய பிரிவுகளில் தமிழ், தெலுங்கு மற்றும் மலையாள படங்கள் சிறப்பிடம் பெற்றுள்ளன.

பார்க்கிங் படம் இந்த முறை பல முக்கிய பிரிவுகளில் வெற்றி பெற்று தேசிய விருதுகளை அள்ளியுள்ளது. குறிப்பாக, சிறந்த படம், சிறந்த திரைக்கதை மற்றும் சிறந்த துணை நடிகர் விருதுகளை வென்றது குறிப்பிடத்தக்கது.