இன்ஸ்டாகிராம் தளத்தில் 100 மில்லியன் (10 கோடி) பின் தொடர்பவர்களை பெற்ற முதல் உலகத் தலைவர் மற்றும் அரசியல்வாதி என்ற பெருமையை இந்தியப் பிரதமர் நரேந்திர மோடி பெற்றுள்ளார்.
2014 ஆம் ஆண்டு இன்ஸ்டாகிராமில் இணைந்த அவரது கணக்கு, கடந்த பத்தாண்டுகளில் சீராக வளர்ந்து, உலகில் அதிக மக்களால் பின் தொடரப்படும் மற்றும் ஈர்க்கப்படும் அரசியல் சுயவிவரங்களில் ஒன்றாக உருவெடுத்துள்ளது.
பிரதமர் மோடி தற்போது சர்வதேச அளவில் முதலிடத்தில் உள்ளார்.
இரண்டாம் இடத்தில் உள்ள அமெரிக்க ஜனாதிபதி டொனால்ட் ட்ரம்ப்பை (43.2 மில்லியன்) விட, பிரதமர் மோடியின் பின்தொடர்பவர்களின் எண்ணிக்கை இரண்டு மடங்கு அதிகமாகும்.
அதிகாரப்பூர்வ நிகழ்வுகள், வெளிநாட்டுப் பயணங்கள், பொதுமக்களுடனான கலந்துரையாடல்கள் மற்றும் கலாசாரத் தருணங்களைப் பகிர பிரதமர் மோடி இத்தளத்தைப் பயன்படுத்துகிறார்.
இது குறிப்பாக இந்தியா மற்றும் வெளிநாடுகளில் உள்ள இளைஞர்களிடையே பெரும் வரவேற்பைப் பெற்றுள்ளது.
