அனோஜனின் உயிரைக் காப்பாற்ற இராஜதந்திர முயற்சி! இந்திய, அமெரிக்க தூதரகங்களுடன் தமிழரசுக்கட்சி பேச்சு!

சவூதி அரேபியாவில் மரண தண்டனையை எதிர்நோக்கியுள்ள இலங்கை பிரஜையான சிவராசா அனோஜனின் விவகாரம் தொடர்பில், இலங்கை தமிழரசுக்கட்சியின் நாடாளுமன்ற உறுப்பினர்கள் இந்திய உயர்ஸ்தானிகர் சந்தோஷ் ஜா மற்றும் இலங்கைக்கான அமெரிக்க தூதரகத்தின் அரசியல் மற்றும் பொருளாதார ஆலோசகர் அந்தோணி வி. பிர்னட் (Anthony V. Pirnot) ஆகியோரை சந்தித்து கலந்துரையாடியுள்ளனர்.

இந்த சந்திப்பு நேற்று (23) இடமபெற்றுள்ளதாக தெரிவிக்கப்படுகின்றது.

சவூதி அரேபியாவில் அனோஜனுக்கு எதிராக முன்னெடுக்கப்பட்ட வழக்கில், முன்னதாக சிறைத்தண்டனை மற்றும் அபராதம் விதிக்கப்பட்டிருந்த நிலையில், மேல்முறையீட்டின் பின்னர் மரண தண்டனை விதிக்கப்பட்டதாக அவரது சட்டத்தரணி மூலம் தகவல் வெளியாகியுள்ளது.

இந்நிலையில், அனோஜனின் உயிரை காப்பாற்றுவதற்கான இராஜதந்திர முயற்சிகளின் ஒரு பகுதியாக தமிழரசுக்கட்சி நாடாளுமன்ற உறுப்பினர்கள் இரு நாடுகளின் தூதரக அதிகாரிகளிடமும் தலையீடு மற்றும் ஆதரவை கோரியுள்ளனர்.

இதன்போது அனோஜன் குடும்பத்தினரின் சார்பில் வழக்கின் நிலைமை தொடர்பான தகவல்களும் அவர்களுக்கு வழங்கப்பட்டதாக தெரிவிக்கப்பட்டுள்ளது.

இதேவேளை, அனோஜனை மரண தண்டனையிலிருந்து பாதுகாப்பதற்காக தமிழரசுக் கட்சி நாடாளுமன்ற உறுப்பினர்கள் பல்வேறு தரப்பினருடன் தொடர்ந்து பேச்சுவார்த்தைகளையும் இராஜதந்திர நடவடிக்கைகளையும் முன்னெடுத்து வருகின்றனர்.

Related Posts :

Special News :

Entertainment :

Special News

LaugfsGas
லாஃப்ஸ் எரிவாயு சிலிண்டருடன் நுகர்வோர் அதிகார சபைக்குச் சென்ற சிவில் அமைப்பினர் – வளாகத்தில் பதற்றம்!
MKSivajilingam
 எம்.கே.சிவாஜிலிங்கத்தின் மறைவு ஈழத் தமிழர் வரலாற்றில் ஈடுசெய்ய முடியாத பேரிழப்பு –  சிறீதரன் எம்.பி இரங்கல்!
SriLankaJobs
வடக்கு, கிழக்கு மாகாணங்களிலும் விரைவில் வெளிநாட்டு வேலைவாய்ப்பு ஊக்குவிப்பு நிகழ்ச்சிகள்!
WeatherAlert
குறைந்த காற்றழுத்தப் பிரதேசம் புயலாக மாறக்கூடும் என எச்சரிக்கை!
FoodPriceHike
எரிவாயு விலையேற்றத்தைத் தொடர்ந்து உணவுப் பொருட்களின் விலைகள் உயர்வு!
LaugfsGas
சமையல் எரிவாயு விலையேற்றத்தை ஒழுங்குப் பிரச்சினையாக எழுப்ப சஜித் முயற்சி: சபையில் அமளி!