சிறைக்குச் செல்வதை விட மேலாதிக்கம் முடிவுக்கு வருவதையே ராஜபக்சர்களாலும் ரணிலாலும் தாங்கிக் கொள்ள முடியவில்லை: அமைச்சர் அநுர கருணாதிலக சாடல்!

ராஜபக்சர்களும், ரணில் விக்ரமசிங்க போன்றவர்களும் தாங்கள் சிறைக்குச் செல்வதை விட, இதுவரை காலமும் தாங்கள் தக்கவைத்திருந்த மேலாதிக்கம் முடிவுக்கு வருவதை ஏற்றுக்கொள்ள முடியாத துயரமான நிலையில் உள்ளனர் என்று எரிசக்தித் துறை அமைச்சர் அநுர கருணாதிலக தெரிவித்துள்ளார்.

சமகால அரசாங்கத்தினால் நேற்றையதினம்(27.09.2026) கம்பஹாவில் ஏற்பாடு செய்யப்பட்டிருந்த பேரணியில் கலந்து கொண்டு கருத்துத் தெரிவிக்கும் போதே அவர் மேற்கண்டவாறு குறிப்பிட்டுள்ளார்.

தொடர்ந்தும் தெரிவிக்கையில்,

கடந்த ஒரு வருடத்திற்குப் பிறகு இன்று நாம் அடைந்திருக்கும் இந்த நிலை, அன்று நீங்கள் அளித்த வாக்குகளினாலேயே சாத்தியமானது.

நீண்டகாலமாக நிலவிவந்த முதலாளித்துவ தாராளவாத மேலாதிக்கம் இன்று சிதைந்து, அழிந்து போகத் தொடங்கியுள்ளது.

அந்த உயர்மட்ட வர்க்க மேலாதிக்கத்திற்கு தற்போதைய காலம் சவாலான ஒன்று. இந்த நிலையில், அதே மேலாதிக்க மனநிலையில் இருந்தவர்கள் பலரின் அடித்தளமே இன்று ஆட்டம் காண ஆரம்பித்துள்ளது.

இதன் காரணமாகத்தான், தேசிய மக்கள் சக்தி அரசாங்கத்தை வீழ்த்துவதற்காக பல்வேறு கருத்துக்களை அவர்கள் தெரிவித்து வருவதுடன், எதிராக பல முயற்சிகளையும் முன்னெடுத்து வருகின்றனர்.

நிலபிரபுத்துவ உயர்வர்க்கத்தின் மனநிலையில் இருந்த, ராஜபக்சர்கள் போன்றவர்களும், தாராளவாத மேலாதிக்க உயர்வர்க்கத்தின் மனநிலையில் இருந்த ரணில் விக்ரமசிங்க போன்றவர்களும், தாங்கள் சிறைக்குச் செல்வதைவிட, தாங்கள் நீண்டகாலமாகத் தக்கவைத்திருந்த அந்த மேலாதிக்கம் முடிவுக்கு வருவதைத் தாங்கிக் கொள்ள முடியாத நிலையல் உள்ளனர்.

அவர்கள் கட்டியெழுப்பியிருந்த இந்த மேலாதிக்க நிலையின் அடித்தளத்தை, தேசிய மக்கள் சக்தி அரசாங்கம் மக்களின் ஆதரவோடு அடித்து நொறுக்கும் நடவடிக்கைகளை மேற்கொண்டுள்ளது என குறிப்பிட்டுள்ளார்.

Related Posts :

Special News :

Entertainment :

Special News

LaugfsGas
லாஃப்ஸ் எரிவாயு சிலிண்டருடன் நுகர்வோர் அதிகார சபைக்குச் சென்ற சிவில் அமைப்பினர் – வளாகத்தில் பதற்றம்!
MKSivajilingam
 எம்.கே.சிவாஜிலிங்கத்தின் மறைவு ஈழத் தமிழர் வரலாற்றில் ஈடுசெய்ய முடியாத பேரிழப்பு –  சிறீதரன் எம்.பி இரங்கல்!
SriLankaJobs
வடக்கு, கிழக்கு மாகாணங்களிலும் விரைவில் வெளிநாட்டு வேலைவாய்ப்பு ஊக்குவிப்பு நிகழ்ச்சிகள்!
WeatherAlert
குறைந்த காற்றழுத்தப் பிரதேசம் புயலாக மாறக்கூடும் என எச்சரிக்கை!
FoodPriceHike
எரிவாயு விலையேற்றத்தைத் தொடர்ந்து உணவுப் பொருட்களின் விலைகள் உயர்வு!
LaugfsGas
சமையல் எரிவாயு விலையேற்றத்தை ஒழுங்குப் பிரச்சினையாக எழுப்ப சஜித் முயற்சி: சபையில் அமளி!