விளக்கமறியலில் வைக்கப்பட்டுள்ள முன்னாள் ஜனாதிபதி மஹிந்த ராஜபக்ஷவின் மனைவி ஷிரந்தி ராஜபக்ஷவை கண் நோய் தொடர்பாக அவர் வழக்கமாக சிகிச்சை பெறும் கொழும்பிலுள்ள தனியார் மருத்துவமனை மருத்துவரிடம் இன்று (8) அவரை அழைத்துச் செல்லுமாறு மேலதிக நீதவான் சிறைச்சாலை அதிகாரிகளுக்கு உத்தரவிட்டுள்ளார்.
கையூட்டல் மற்றும் ஊழல் ஒழிப்பு ஆணைக்குழுவினால் நேற்று (7) கைது செய்யப்பட்ட ஷிரந்தி ராஜபக்ஷவை எதிர்வரும் 13 ஆம் திகதி வரை விளக்கமறியலில் வைக்குமாறு கொழும்பு பிரதம நீதிவான் நீதிமன்றம் உத்தரவு பிறப்பித்துள்ளது.
கொழும்பு விளக்கமறியல் சிறைச்சாலையின் பெண்கள் பிரிவில் பாதுகாப்பான இடத்தில் அவர் தடுத்து வைக்கப்பட்டுள்ளதாக சிறைச்சாலைகள் ஆணையாளரும் ஊடகப் பேச்சாளருமான சேனக்க பள்ளேதென்ன தெரிவித்துள்ளார்.
