அனுராதபுரம் – ருவன்வெலிசாய விகாரை முன்றலில் முன்னெடுக்கப்பட்டு வரும் சத்தியாக்கிரகப் போராட்ட களத்தில் அமைதியின்மை ஏற்பட்டுள்ளது.
சத்தியாக்கிரகப் போராட்டத்தில் ஈடுபட்டுள்ளவர்களுக்கும் அங்குவந்த குழுவொன்றுக்கும் இடையில் ஏற்பட்ட வாக்குவாதத்தைத் தொடர்ந்து இந்தப் பதற்ற நிலை உருவாகியுள்ளது.
இதேவேளை, ருவன்வெலிசாய விகாரை முன்றலில் சாகும்வரையிலான உண்ணாவிரதப் போராட்டத்தில் ஈடுபட்டுள்ள பூஜ்ய பலாங்கொடை கஸ்ஸப தேரருக்கு, நாளை (13) கொழும்பு மாவட்ட குற்றத் தடுப்புப் பிரிவின் விசாரணைப் பிரிவில் முன்னிலையாகி வாக்குமூலம் வழங்குமாறு அறிவிக்கப்பட்டுள்ளது.
