பரந்தன் சோதனைச் சாவடியில் அதிர்ச்சி: பொலிஸாருக்கு லஞ்சம் கொடுக்க முயன்ற 6 டிப்பர் சாரதிகள் கைது!

A9 பிரதான வீதியின் பரந்தன் பகுதியில் அமைந்துள்ள பொலிஸ் வீதிச் சோதனைச் சாவடியில், கடமையில் இருந்த பொலிஸாருக்கு லஞ்சம் கொடுத்துச் சட்டவிரோத மணலைக் கடத்த முயன்ற 6 டிப்பர் வாகனச் சாரதிகள் கைது செய்யப்பட்டுள்ளனர்.

இன்று (19.08.2026) காலை இடம்பெற்ற இச்சம்பவத்தின் போது, சந்தேக நபர்களிடமிருந்த 5 டிப்பர் வாகனங்களும் பொலிஸாரால் பறிமுதல் செய்யப்பட்டுப் பொலிஸ் நிலையத்தில் தடுத்து வைக்கப்பட்டுள்ளன.

கிளிநொச்சி A9 பிரதான வீதி பரந்தன் சந்தியில் உள்ள பொலிஸ் சோதனைச் சாவடியில் பொலிஸார் வழக்கமான வாகனச் சோதனையில் ஈடுபட்டிருந்தனர். அப்போது சட்டவிரோதமான முறையில் மணல் ஏற்றி வந்த டிப்பர் வாகனங்களைச் சோதனையிட்ட போது, பொலிஸாரின் நடவடிக்கையிலிருந்து தப்பிப்பதற்காகச் சாரதிகள் அவர்களுக்கு லஞ்சம் வழங்க முற்பட்டுள்ளனர்.

உடனடியாகச் செயற்பட்ட பொலிஸார், லஞ்சம் கொடுக்க முயன்ற 6 சாரதிகளையும் கைது செய்ததுடன், மணல் கடத்தலுக்குப் பயன்படுத்தப்பட்ட 5 டிப்பர் வாகனங்களையும் கைப்பற்றினர்.

கைது செய்யப்பட்ட 6 சந்தேக நபர்களையும் இன்றைய தினமே நீதிமன்றத்தில் முற்படுத்துவதற்கான நடவடிக்கைகளை மேற்கொண்டு வருவதாகத் தெரிவித்துள்ள கிளிநொச்சி பொலிஸார், இச்சம்பவம் தொடர்பில் மேலதிக விசாரணைகளைத் தீவிரப்படுத்தியுள்ளனர்.

Related Posts :

Special News :

Entertainment :

Special News

LaugfsGas
லாஃப்ஸ் எரிவாயு சிலிண்டருடன் நுகர்வோர் அதிகார சபைக்குச் சென்ற சிவில் அமைப்பினர் – வளாகத்தில் பதற்றம்!
MKSivajilingam
 எம்.கே.சிவாஜிலிங்கத்தின் மறைவு ஈழத் தமிழர் வரலாற்றில் ஈடுசெய்ய முடியாத பேரிழப்பு –  சிறீதரன் எம்.பி இரங்கல்!
SriLankaJobs
வடக்கு, கிழக்கு மாகாணங்களிலும் விரைவில் வெளிநாட்டு வேலைவாய்ப்பு ஊக்குவிப்பு நிகழ்ச்சிகள்!
WeatherAlert
குறைந்த காற்றழுத்தப் பிரதேசம் புயலாக மாறக்கூடும் என எச்சரிக்கை!
FoodPriceHike
எரிவாயு விலையேற்றத்தைத் தொடர்ந்து உணவுப் பொருட்களின் விலைகள் உயர்வு!
LaugfsGas
சமையல் எரிவாயு விலையேற்றத்தை ஒழுங்குப் பிரச்சினையாக எழுப்ப சஜித் முயற்சி: சபையில் அமளி!