அமெரிக்காவின் ஜனாதிபதி டொனால்ட் ட்ரம்ப், ஏர் ஃபோர்ஸ் படிகளில் ஏறும்போது தடுமாறி விழும் வீடியோ சமூக ஊடகங்களில் பரவலாக பகிரப்பட்டு வருகிறது.

நியூ ஜெர்சியில் உள்ள மோரிஸ்டவுன் நகராட்சி விமான நிலையத்திலிருந்து புறப்படும் போது இந்த சம்பவம் நேற்று (ஜூன் 8) நிகழ்ந்ததாக வெளிநாட்டு ஊடகங்கள் தெரிவித்துள்ளன.

சம்பவத்தின் போது, வெளியுறவுத்துறை செயலாளர் மார்கோ ரூபியோவும் ட்ரம்பைப் பின்தொடர்ந்து வந்தபோது அதே படிக்கட்டில் தடுமாறியுள்ளார்.

இந்த வீடியோ சமூக ஊடகங்களில் வேகமாக பரவுவதோடு, பலர் ட்ரம்ப் முன்னதாக ஜோ பைடன் குறித்து தெரிவித்த விமர்சனத்தையும் மீண்டும் பகிர்ந்துள்ளனர். “ஜோ பைடனால் ஏர் ஃபோர்ஸ் படிக்கட்டுகளில் கூட ஏற முடியவில்லை” என்று ட்ரம்ப் விமர்சித்திருந்தது தற்போது நக்கலாக மீண்டும் சமூக வலைதளங்களில் தோன்றியுள்ளது.